N. Vanlaiphai MNF chuan, ASF hri hi June 10, 2024 atangin a lut tan a, vawiin thleng hian vawk 175 a thi tawh a, vawk 255 suat a ni tawh bawk. Vawk thi zawng zawng hi 431 a tling tawh a ni. Heng vawk thi zawng zawng hlut zawng hi ₹.1, 175, 800/- a ni chho daih tawh mai a, tuna N.Vanlaiphai khua a vawk la dam hi 293 vel a la awm a ni, an ti.

Hetianga kan khawtlang kan buai tak avang hiang Vety Department, Village Council N. Vanlaiphai leh N. Vanlaiphai vawk vulh Association te tangho chuan a phumna turte ruahman in a huho a phum thin a ni a. Mahse vawk thi a tam tak em vangin tunah hian buaipui alo harsa ta a, mahni inbuaipui-in thenkhat chuan hlawhfa te la in mahni vawk thi an buaipui chho ta a, phumna hmun neilo ten ram lamah motor hire-in an vawk thi an phum ve mek zel bawk a, kan tawrhna hi a namen lo hle a ni, an ti.

"Dinhmun chhe taka kan din tak avang hian khawtlang kan buai hle a, kan harsatnate leh kan manganna hi bialtu MLA hian a hmun ngeiah min rawn hmuhpui turin kan phut a, a bial mipui ten harsatna kan tawh mek hi ralkhat atang ringawt ni lova, a hmuna chhiat tawkte thlamuana, Sorkar ang pawha a tul ang angte buaipui turin kan phut tlat a ni," tiin an thuchhuah ah tarlan a ni.